Assalamu’alaikum Wr. Wb.
Kula Nuwun
Kaparengna kula minangkani
keparengipun para putra ingkang kinen ngaturaken prentuling penggalihipun,
hawit kaluwarga mboten kuwangang matur katemben kapambeng linimputan pedhuting
kasungkawan, Ngaturi uningo sedanipun Bapak
Munadi Sunarman kalawau enjing dinten Selasa
Legi, surya kaping 26 April 2016 kirang langkung jam 00.30 WIK kanthi
tentream, jalaran gerah sampun sawetawis wekdal, karawat hing panti roga Brayat Minulyo Surakarta ginanjar yuswa 82 tahun, putra 4 saha wayah
Para pelayat ingkang utami hing
budi
Para putra ingkang tinilar
ngaturaken pambagya wilujeng saha ngaturaken gunging panuwun ingkang tanpa
pepindhan, hawit panjenengan sampung kepareng karaya-raya merlokaken rawuh
hanelaaken raos bela sungkawa lan paring pakumartan ingkang pungkasan.
Karawuhan penjenengan saestu handamel lipuring panggalihipun Para putra ingkang
tinilar
Mboten kesupen ugi ngaturaken
sanget gunging panuwun dhumateng para sanak sedherek, tangga tepalih, mityra
sutresna, ingkang sampun rila legawa, tulus iklas paring sih pambyantu ingkang
awujud bahu suku, penggalihan iguh pratikel, bdha arta lan rerigen mrih prayoganing
pangruki badhe pametaking layon, ingkang sadaya kalawau saestu saged ngirangi
kesisahan saha karepotaning para putra ingkang tinilar . Ingkang kanthi punika
para putra ingkang tinilar ngenggana mboten saged atur pinwales punapa-punapa,
pramila namung kapasrahaken dhumateng gusti ingkang Maha Agung, mugi-mugi
panjenengan sadaya pikantuka ganjaran ingkang langkung, samurwat kaliyan ngamal
kasaenan panjenengan.
Salajengipun para putra ingkang
tinilar nyuwun aken pangapunten sedaya kalepatanipun salami sunginpun sawargi
Bapak Munadi Sunarman sesrawungan kaliyan panjenengan sadaya, lan hambok bilih
saged ugi kagungan petangan badha arta, keparenga kersa sesambetan kaliyan
kulawarga.
Para pelayat ingkang satuhu utami
hing budi
Para putra ingkang tinilar nyuwun
pamuji donga panjenengan sadaya, mugi-mugi ruhipun Bapak Munadi Sunarman
sepisan, dipun apunten sadaya dosa kalepatanipun, kaping kalih tampi amal
kasaenanipun. Kaping tiga, dipun paringi papan ingkang murwat nikmat, miwah
kebah rahmat dening gusti ingkang Murbeng Dumadi.
Semanten ugi tumrap ingkang
tinilar, tansah kaparingan iman iangkang teguh, sabar lan sumarah, iangkan
satemah saged nindakaken pedamelan lan kewajibanipun piyambak kanthi sae.
Mboten kesupen para putra ingkang
tinilar mawantu-wantu nyuwun sih angenging samodra pangaksama, hawit
hanggenipun nampi karawuhan panjenengan kathah kekirangnipun hing bab
palenggahan tatakrami lan sanes-sanesipun.
Hing wasana hambokbilik longgar
hing penggalih saha sepen hing pambeng, panjenengan sedaya kasuwun ngutabaken
bidhaling layon ngantos dumugining palereman ingkang pungkasan, hing pasareyan
Bonoloyo
Wondene menawi kagungan kapreluan
ingkang langkung wigatos, kunduripun ndherekaken wilujengan lan matur nuwun.
Waasalamu’alaikum Wr. Wb.
Nuwun
Tidak ada komentar:
Posting Komentar